"Manchester Yunayted" "Kristal Pelas" vingeri Maykl Olise uchun kurashda peshqadamlik qilmoqda.

Mankunianliklar 22 yoshli futbolchi uchun Londonning "Chelsi" jamoasi bilan kurash olib borishmoqda. Jurnalist Rudi Galettining fikricha, “qizil iblislar” Olise uchun kurashda raqiblaridan oldinda, ammo “Chelsi”ni hisobdan chiqarishga hali erta. Vaziyat o‘zgarishi mumkin va ko‘p narsa hali tayinlanmagan "ko‘klar"ning yangi murabbiyining talablariga bog‘liq bo‘ladi.

Transfermarkt ekspertlari Maykl Olisening narxini 50 million yevroga baholamoqda, ammo "Kristal Pelas" o‘z rahbari uchun yanada ko‘proq summa so‘rashi mumkin. O‘tgan yozda futbolchi "burgutlar" bilan 2027 yilgacha mo‘ljallangan yangi shartnoma imzolagan edi.