"Manchester Yunayted" bosh murabbiyi Erik ten Xagning fikricha, jarohatlarsiz uning jamoasi Premyer-ligada mavsum yakunida kuchli to‘rtlikdan joy olishi mumkin edi.
“Yangi mavsumda nimaga erisha olamiz? Biz kuchli 4 talik uchun kurashda qatnasha olamiz. Ko‘pgina jamoalar bu maqsadni qo‘ygan, ammo biz, albatta, ulardan birimiz. Agar jarohat tufayli ko‘p o‘yinchilarimizni yo‘qotmaganimizda bu mavsumda bu natijaga erishgan bo‘lardik. Bu biz hal qilishimiz kerak bo‘lgan asosiy muammo”, - dedi Ten Xag shanba kuni bo‘lib o‘tadigan Angliya kubogi finalida “Manchester Siti”ga qarshi o‘yin oldidan.
