Ueyn Runi o‘zini murabbiy sifatida ko‘rsatish uchun yangi imkoniyatga ega bo‘ladi. 38 yoshli murabbiy chempionshipdan "Plimut Argayl" klubi bilan kelishuvga bir qadam qoldi. Jurnalist Jon Persining so‘zlariga ko‘ra, mashhur sobiq forvard shanba kuniyoq yangi lavozimiga tasdiqlanishi mumkin.
Murabbiy yaqinda bo‘lib o‘tgan intervyusida "Plimut Argayl" rahbariyatini hayratda qoldira oldi. Tomonlar uch yillik shartnoma imzolashlari kutilmoqda.
"Plimut Argayl" yakunlangan chempionatda 21-o‘rinni egallab, quyi ligaga tushib qolgan "Birmingem"dan atigi bir ochko oldinda bo‘ldi.
