"Atletik Bilbao"ning 29 yoshli hujumchisi Inyaki Uilyams ikki yil davomida oyog‘iga katta shisha bo‘lagi bilan to‘p tepdi, dedi klub bosh murabbiyi Ernesto Valverde.
Mutaxassisning so‘zlariga ko‘ra, bir necha yil avval Gana terma jamoasi hujumchisi avariyaga uchragan, shunda u shisha siniqlari ustida yurgan. Shifokorlar yarani tikkan, ammo unda qolgan parchaga e’tibor berishmagan. Uilyams oyog‘idagi noqulaylikdan shikoyat qilganidan so‘ng, u yaqinda MRTdan o‘tkazildi, tekshiruv natijalari futbolchining oyog‘ida taxminan ikki santimetrlik shisha parchasini aniqladi.
Valverdening so‘zlariga ko‘ra, Inyaki Uilyams jarrohlik amaliyotidan o‘tgan va shisha parchasi olib tashlangan, futbolchi "Rayo Valyekano" bilan o‘yinni o‘tkazib yuboradi.
