Kataloniyaning "Barselona" klubining yangi bosh murabbiyi Xans-Diter Flik o‘zining sobiq "Bavariya" jamoasidagi shogirdi bilan "Kamp Nou"da birlashishni istamoqda. Sport nashri xabariga ko‘ra, germaniyalik mutaxassis tayanch yarim himoyachi Joshua Kimmixni "Blaugrana" safiga taklif qilmoqchi.

28 yoshli yarim himoyachi yozda faoliyatini qayerda davom ettirishini hozircha bilmaydi. Futbolchining "Bavariya" bilan shartnomasi tugashiga atigi bir yil qoldi. Agar yaqin oylarda shartnoma uzaytirilmasa, myunxenliklar yarim himoyachini yozda sotishi ehtimoli yuqori.

Kimmix avvalroq Flik qo‘l ostida "Bavariya" bilan Chempionlar ligasida g‘olib chiqqan edi. Bu 2020 yilda sodir bo‘ldi, myunxenliklar o‘shanda chempionat va Germaniya kubogini ham qo‘lga kiritgan.