Каталониянинг "Барселона" клубининг янги бош мураббийи Ханс-Дитер Флик ўзининг собиқ "Бавария" жамоасидаги шогирди билан "Камп Ноу"да бирлашишни истамоқда. Sport нашри хабарига кўра, германиялик мутахассис таянч ярим ҳимоячи Жошуа Киммихни "Блауграна" сафига таклиф қилмоқчи.
28 ёшли ярим ҳимоячи ёзда фаолиятини қаерда давом эттиришини ҳозирча билмайди. Футболчининг "Бавария" билан шартномаси тугашига атиги бир йил қолди. Агар яқин ойларда шартнома узайтирилмаса, мюнхенликлар ярим ҳимоячини ёзда сотиши эҳтимоли юқори.
Киммих аввалроқ Флик қўл остида "Бавария" билан Чемпионлар лигасида ғолиб чиққан эди. Бу 2020 йилда содир бўлди, мюнхенликлар ўшанда чемпионат ва Германия кубогини ҳам қўлга киритган.
