"Manchester Siti"ning o‘ng qanot himoyachisi Kayl Uokerning fikricha, "Manchester Yunayted"ga qarshi Angliya kubogi finalidagi jamoaning muvaffaqiyatsizligida Pep Gvardiolani ayblamaslik kerak.
Final uchrashuvining yaqqol favoriti hisoblangan “shaharliklar” raqiblariga 1:2 hisobida imkoniyatni boy berishdi.
Uchrashuv yakunlangach, Gvardiola o‘yin rejasi muvaffaqiyatsiz bo‘lganini va jamoaga zarar yetkazganini tan oldi.
"Gvardiola - taktika borasida so‘roq qilinmaydigan yagona odam. U daho. Bu yerda o‘ynagan yillarim davomida u meni va boshqa ko‘plab futbolchilarni o‘zgartirdi.
Natija uchun butun jamoa javobgardir, bizda 97 daqiqa bor edi. Biz hammamiz mas’uliyatga egamiz", - deya Uokerning so‘zlarini keltiradi jurnalist Jo Brey.