«Seltik» bu mavsumda Shotlandiya kubogi va chempionligini qo‘lga kiritib, mavsumni «oltin dubl» bilan yakunladi.

Kecha Shotlandiya kubogi finalida Brendan Rojers shogirdlari «Reynjers»ni 1:0 hisobida mag‘lub etishdi.

Bu klub tarixidagi 42-mamlakat kubogi - boshqa hech kimda bunday ko‘p sovrin yo‘q. «Reynjers» 34 marta Shotlandiya kubogini qo‘lga kiritgan.

Avvalroq «Seltik» ketma-ket uchinchi marta Shotlandiya chempionligini qo‘lga kiritgandi. Shu tariqa, klub joriy mavsumda chempionat va Shotlandiya kubogini qo‘lga kiritib, «oltin dubl»ga erishdi.

E’tibor bering, hozirda Glazgoning ikki klubida 118 tadan sovrin bor.