Superliganing 9-turidan o‘rin olgan «So‘g‘diyona» — «Bunyodkor» (4:0) uchrashuvidan so‘ng mezbonlar bosh murabbiyi Ivan Boshkovich matbuot anjumanida ishtirok etdi.

O‘yin haqida

— Raqib darvozasiga 4 ta gol urib g‘alaba qozonish albatta yoqimli. Biroq, biz navbatdagi o‘yinlarda ham g‘alabalar qayd etishimiz uchun himoyamizni ham mustahkamlashimiz lozim. Bugun Doriyev, Mavlonqulov, Yovovich kabi futbolchilar o‘zlarini ko‘rsatishdi. Daraja va individual mahorat ko‘p epizodlarni bizning foydamizga hal qildi. Yoshlarga ham imkoniyat berayapmiz. Navbatdagi o‘yinlarga tayyorgarlikka kirishamiz.

— Transferlar oynasi vaqtida qaysi chiziqlarni o‘zgartirmoqchisiz?
— Bu masalani jamoaviy ko‘rib chiqamiz. Men qo‘l ostimdagi yigitlarga ishonaman. Ko‘p o‘zgarish qilish rejamiz yo‘q. Mashg‘ulotlarda ishlaymiz, bizda hozir mavsum uchun yetarli tarkib bor. O‘zgarish qilamizmi, yo‘qmi, mashg‘ulotlar va o‘yinlar mobaynida aniqlab boramiz.