Superliga 9-turidan o‘rin olgan "Neftchi" – OKMK (1:0) uchrashuvidan so‘ng mezbonlar bosh murabbiyi Vitaliy Levchenko matbuot anjumanida ishtirok etdi.

"Bu o‘yinda  gol urganimizga qadar to‘pni nazorat qilib turib, tezroq ximoyadan hujumga o‘tib turdik. Gol kiritilgandan so‘ng asabiylik paydo bo‘ldi. Uchrashuv oxirida yurakni xovuchlab o‘tirdik. Yaxshiki, muhim uch ochkoni qo‘lga kiritdik.

Biz o‘z maydonimizdagi o‘yinlarni shunday ajoyib atmosferada o‘tkazmoqdamiz. Juda ko‘p muxlislar tashrif buyurishmoqda. Ular bizni oldinga chorlashmoqda. Qachonki, muxlislar bizni shunday qo‘llab-quvvatlar ekan, raqib tomon hujum qilish uchun qo‘shimcha kuch bag‘ishlaydi. Bizning muxlislarimizga katta respekt. Keyingi o‘y o‘yinlarimizda shunday stadionni to‘ldirib o‘tirishsa, yigitlar maydonga yana faqat g‘alaba uchun tushishadi.

Muammolar xaqida ko‘p gapirib o‘tirmayman. Muammolar o‘zimizniki, vaziyat yaxshi tomonga o‘zgarmoqda. Biz rahbarlar bilan gaplashib oldik. Biz o‘z tomonimizdan, rahbariyat esa o‘z tomonidan vazifalarini bajarsa hammasi yaxshi bo‘ladi.

G‘afurovda ajoyib kurashuvchanlik xislati bor. Keyingi o‘yinlarda maydonga tushsa kerak. Tiklanish jarayoni yaxshi ketmoqda.

O‘yinlarimizda kamchiliklarimiz bor. Oxirgi daqiqalardagi asabiylik bo‘lmaganda maksimal ball qo‘yish mumkin edi. O‘yinimizda o‘sish bor. To‘g‘ri yo‘ldamiz, ballarning yarimi bor edi bizda, qolgan yarmini bugun o‘ynadik", — dedi Levchenko.