Madrid xo‘jalik sudi Superliga tashkilotchilarining UYEFA va FIFAga qarshi da’vo arizasini qisman qanoatlantirdi.
Qarorda aniqlanishicha, UYEFA va FIFA o‘zlarining ustunlik mavqeini suiiste’mol qilib, bozordagi erkin raqobatga to‘sqinlik qilib, o‘zlariga uchinchi tomon turnirlarida qatnashishni taqiqlash va asossiz cheklovlar qo‘yish bo‘yicha ixtiyoriy vakolatlar berishmoqda.
Shu tariqa, UYEFA va FIFA Yevropa Ittifoqi faoliyati to‘g‘risidagi shartnoma moddalarini buzmoqda. Bu haqda El Imparcial nashri yozmoqda.
Shuningdek, qaror UYEFA va FIFAga raqobatga qarshi amaliyotlarni to‘xtatishni buyuradi. Qayd etish kerakki, Superliga loyihasini “Real Madrid” prezidenti Florentino Peres olib bormoqda. "Barselona" ham ushbu turnirni qo‘llab-quvvatlamoqda.
