“An-Nasr” hujumchisi Krishtianu Ronaldu navbatdagi tarixiy muvaffaqiyatga erishdi. 39 yoshli futbolchi mavsum yakunida 35 ta gol urib, Saudiya Arabistoni chempionati rekordini o‘rnatdi.
Bundan tashqari, jurnalist Fabrisio Romano xabar berishicha, portugaliyalik tarixda to‘rt xil chempionatda eng yaxshi to‘purar unvoniga sazovor bo‘lgan birinchi futbolchi bo‘ldi. Avvalroq Ronaldu Angliya Premyer-ligasi, Ispaniya La Ligasi (uch marta) va Italiya A Seriyasida to‘purarlar poygasida g‘alaba qozongan.
Krishtianu Ronaldu 2023 yil boshidan buyon “An-Nasr” safida to‘p tepmoqda. Yevropani tark etishdan oldin hujumchi “Manchester Yunayted”, “Yuventus”, “Real Madrid” va Lissabonning “Sporting” klublarida o‘ynagan.
