“Ан-Наср” ҳужумчиси Криштиану Роналду навбатдаги тарихий муваффақиятга эришди. 39 ёшли футболчи мавсум якунида 35 та гол уриб, Саудия Арабистони чемпионати рекордини ўрнатди.
Бундан ташқари, журналист Фабрицио Романо хабар беришича, португалиялик тарихда тўрт хил чемпионатда энг яхши тўпурар унвонига сазовор бўлган биринчи футболчи бўлди. Аввалроқ Роналду Англия Премьер-лигаси, Испания Ла Лигаси (уч марта) ва Италия А Сериясида тўпурарлар пойгасида ғалаба қозонган.
Криштиану Роналду 2023 йил бошидан буён “Ан-Наср” сафида тўп тепмоқда. Европани тарк этишдан олдин ҳужумчи “Манчестер Юнайтед”, “Ювентус”, “Реал Мадрид” ва Лиссабоннинг “Спортинг” клубларида ўйнаган.
