Liga 1da so‘nggi mavsumni dahshatli boshlagan “Lion” o‘z natijalariga ko‘ra yevrokuboklarga yo‘llanmani qo‘lga kirita oldi.
Foot Mercato xabariga ko‘ra, ushbu voqea munosabati bilan klub o‘z tarkibini kuchaytirish niyatida. Fransuz klubining asosiy e’tibori “Lester” yarim himoyachisi Vilfred Ndidiga qaratilgan.
Uning "tulkilar" bilan tuzilgan mehnat shartnomasi shu yilning yozida tugaydi, shuning uchun potensial transfer bu klub uchun bepul bo‘lishi mumkin.
Ndidi endigina 27 yoshda, bu futbolchi 2017 yilning qishidan beri, qariyb yetti yildan beri «Lester»da o‘ynamoqda.
