Madridning “Atletiko” klubi Artyom Dovbik bilan shartnoma imzolash ustida ish boshladi.

AS nashri xabariga ko‘ra, Madrid klubi hujumchining atrofidagilar bilan bog‘lanib, "Jirona"ga birinchi bo‘lib 25 million yevro taklif qilgan.

Biroq kataloniyaliklar “Atletiko”ning iltimosini rad etib, Dovbik jamoaning asosiy o‘yinchisi ekanligini, uni sotib olmoqchi bo‘lgan klub kamida 35 million yevro to‘lashi kerakligini aytishdi.

"Jirona"dagi birinchi mavsumida Dovbik 36 o‘yinda 24 gol urib, La Liganing eng yaxshi to‘purari bo‘ldi.