Matbuotda "Borussiya" yozda "Manchester Yunayted" hujumchisi Meyson Grinvudga taklif bilan chiqishi haqida ma’lumotlar paydo bo‘ldi.
Dortmund klubi sport direktori Sebastyan Kel bu borada fikr bildirdi.
"Ayni paytda men hech qanday mish-mishlar haqida gapirmoqchi emasman, chunki bu mantiqqa to‘g‘ri kelmaydi.
Avval finalni o‘ynaymiz. Albatta, kelasi mavsum uchun rejalarimiz bor va biz turli variantlarni muhokama qilmoqdamiz.
Ammo bugun aniq ma’lumotlar yo‘q – bor e’tiborimizni Chempionlar ligasi finaliga qaratganmiz. Keyin qanday qilib oldinga borishimizni ko‘rib chiqamiz".
