Germaniya terma jamoasi hujumchisi Tomas Myuller xalqaro faoliyatini yakunlamoqchiligi haqidagi savolga javob berdi.
Eslatib o‘tamiz, 34 yoshli futbolchi bo‘lajak o‘z uyida bo‘lib o‘tadigan Yevropa chempionatida Bundestim safida to‘p tepadi.
“Hozircha terma jamoadagi faoliyatimni yakunlash haqida o‘ylamayman. Men faqat oldimdagi vazifa haqida o‘ylayman.
Qolganlari haqida keyinroq gaplashamiz. Bavariya? Shartnomam tugashiga bir yil qoldi. Men klubimni xafa qilolmayman. Ular ma’lum ma’noda menga tayanadilar", - dedi Myuller matbuot anjumanida.
