Kilian Mbappe Fransiya terma jamoasining Yevro-2024dagi maqsadini aytdi.
“Har doimgidek, g‘alaba qozonmoqchiman. Ikki yil avval jahon chempionati finalida o‘ynagan edik va maqsadimiz shu bosqichga chiqish va g‘alaba qozonish muqarrar. Bu oson bo‘lmaydi, raqobatbardosh jamoalar ko‘p, ehtimol ular orasida Italiya ham bo‘lar.
Biz g‘alabalarga ochmiz va mamlakatimiz tarixiga kirishni xohlaymiz. Men allaqachon Millatlar ligasi va jahon chempionatida g‘olib chiqqanman, agar Yevropa chempionatida ham g‘olib bo‘lsam, terma jamoa tarkibida barcha sovrinni yutgan bo‘laman. Jamoam bilan tarix yozmoqchiman”, - dedi “PSJ” hujumchisi.
Yevropa chempionati 14 iyundan 14 iyulga qadar Germaniyada bo‘lib o‘tadi.
