Londonning "Chelsi" klubi darvozabon Filip Yorgensenni qo‘lga kiritish maqsadida "Vilyarreal"ga murojaat qildi. Relevo xabariga ko‘ra, "sariq suv osti kemasi" "ko‘k"larga shvedning shartnomasida 40 million yevro tovon puli borligini aniq ko‘rsatgan.
“Chelsi”ning yangi bosh murabbiyi Enso Mareskaning maqsadlaridan biri yangi darvozabon transferi ekani avvalroq xabar qilingandi. "Ko‘klar" qiziqayotgan boshqa darvozabonlar hozircha noma’lum.
Yorgensen Ispaniya chempionati so‘nggi mavsumida 36 ta o‘yin o‘tkazib, 63 ta gol o‘tkazib yuborgan.
