"Real" va "Bavariya" himoyachisi Alfonso Devis shaxsiy shartnoma shartlari bo‘yicha og‘zaki kelishuvga erishdi, deb xabar beradi Relevo.

"Qirollik klubi"ning maqsadi futbolchini yozda 30-35 million yevroga sotib olish. Klub bu transferga shoshilmaydi, chunki tarkibda hozir Ferlan Mendi va Fran Garsiya bor.

"Bavariya"ga kelsak, myunxenliklar pozisiyasi quyidagicha: yo himoyachi yangi shartnoma imzolaydi (mavsumiga taxminan 13 million yevro maosh), yoki u sotiladi. Futbolchi hozircha qarorini ma’lum qilgani yo‘q.

O‘tgan mavsumda 23 yoshli himoyachi 44 ta o‘yinda 4 ta gol va 6 ta golli uzatmani amalga oshirgan.