"Реал" ва "Бавария" ҳимоячиси Альфонсо Дэвис шахсий шартнома шартлари бўйича оғзаки келишувга эришди, деб хабар беради Relevo.
"Қироллик клуби"нинг мақсади футболчини ёзда 30-35 миллион еврога сотиб олиш. Клуб бу трансферга шошилмайди, чунки таркибда ҳозир Ферлан Менди ва Фран Гарсия бор.
"Бавария"га келсак, мюнхенликлар позицияси қуйидагича: ё ҳимоячи янги шартнома имзолайди (мавсумига тахминан 13 миллион евро маош), ёки у сотилади. Футболчи ҳозирча қарорини маълум қилгани йўқ.
Ўтган мавсумда 23 ёшли ҳимоячи 44 та ўйинда 4 та гол ва 6 та голли узатмани амалга оширган.
