"Betis"ning tayanch yarim himoyachisi Gido Rodriges yozgi transfer oynasida "Barselona"ga o‘tmasligi mumkin. Mundo Deportivo xabariga ko‘ra, kelishuvda muammolar bo‘lgan.
Xabar qilinishicha, Rodriges va "Barselona" o‘rtasida dastlabki kelishuv bo‘lgan, biroq uning muddati tez orada o‘z nihoyasiga yetadi. "Blaugrana" hali argentinalik futbolchini keyingi mavsumda ro‘yxatdan o‘tkazishiga kafolat bera olmaydi. Muammo "Barselona"ning moliyaviy qiyinchiliklarida.
Qayd etilishicha, 30 yoshli yarim himoyachida faoliyatini davom ettirish uchun boshqa imkoniyatlar ham bor. Ispaniya chempionatining so‘nggi mavsumida Rodriges ikkita gol urdi.
