"Бетис"нинг таянч ярим ҳимоячиси Гидо Родригес ёзги трансфер ойнасида "Барселона"га ўтмаслиги мумкин. Mundo Deportivo хабарига кўра, келишувда муаммолар бўлган.

Хабар қилинишича, Родригес ва "Барселона" ўртасида дастлабки келишув бўлган, бироқ унинг муддати тез орада ўз ниҳоясига етади. "Блауграна" ҳали аргентиналик футболчини кейинги мавсумда рўйхатдан ўтказишига кафолат бера олмайди. Муаммо "Барселона"нинг молиявий қийинчиликларида.

Қайд этилишича, 30 ёшли ярим ҳимоячида фаолиятини давом эттириш учун бошқа имкониятлар ҳам бор. Испания чемпионатининг сўнгги мавсумида Родригес иккита гол урди.