Madridning “Atletiko” va “Manchester Yunayted” klublari yozgi transfer oynasida futbolchi almashishi mumkin, deb xabar bermoqda Todofichajes portali.
Manbaning xabar berishicha, hujumchi Meyson Grinvud "matraschilar" safiga qo‘shilishi mumkin. Agar kelishuvga erishilsa, vinger Joau Feliks "Old Trafford"ga yo‘l oladi. O‘tgan mavsumda ikkala futbolchi ham ijaraga berilgandi. Angliyalik futbolchi “Xetafe”da, portugaliyalik esa “Barselona”da o‘ynagan.
Grinvud La Ligada 33 ta o‘yinda maydonga tushib, 8 ta gol urdi va 6 ta golli uzatmani amalga oshirdi. Feliks 30 ta o‘yinda 7 ta gol urdi va 3 ta golli uzatmani amalga oshirdi.
