Мадриднинг “Атлетико” ва “Манчестер Юнайтед” клублари ёзги трансфер ойнасида футболчи алмашиши мумкин, деб хабар бермоқда Todofichajes портали.
Манбанинг хабар беришича, ҳужумчи Мейсон Гринвуд "матрасчилар" сафига қўшилиши мумкин. Агар келишувга эришилса, вингер Жоау Феликс "Олд Траффорд"га йўл олади. Ўтган мавсумда иккала футболчи ҳам ижарага берилганди. Англиялик футболчи “Хетафе”да, португалиялик эса “Барселона”да ўйнаган.
Гринвуд Ла Лигада 33 та ўйинда майдонга тушиб, 8 та гол урди ва 6 та голли узатмани амалга оширди. Феликс 30 та ўйинда 7 та гол урди ва 3 та голли узатмани амалга оширди.
