Dortmundning "Borussiya" klubi vingeri Jeydon Sancho "Real"ga qarshi Chempionlar ligasi finali oldidan jurnalistlar bilan suhbatlashdi.
Uchrashuv shanba kuni Angliyaning “Uembli” stadionida bo‘lib o‘tadi. "Manchester Yunayted"dan ijaraga olingan Sancho uchun bu o‘yin "asalarilar" safida oxirgisi bo‘lishi mumkin - uning kelajagi noaniqligicha qolmoqda.
“Hamma bolaligida bunday musobaqalarda qatnashishni orzu qiladi. Men uchun bu orzum ro‘yobga chiqadi va bizning raqibimiz "Real Madrid" bo‘lishi o‘yinni yanada qiziqarli qiladi. Bular menga eng yoqadigan o‘yinlar.
"Real Madrid" tarixi o‘zi uchun gapiradi. Mening yaxshi do‘stlarim Jud Bellingham va Vinisius Junior bu jamoada. "Bavariya" bilan o‘yindan so‘ng men ularga "finalda ko‘rishguncha" dedim", - dedi Sancho TNT Sports telekanaliga bergan intervyusida.