Дортмунднинг "Боруссия" клуби вингери Жэйдон Санчо "Реал"га қарши Чемпионлар лигаси финали олдидан журналистлар билан суҳбатлашди.
Учрашув шанба куни Англиянинг “Уэмбли” стадионида бўлиб ўтади. "Манчестер Юнайтед"дан ижарага олинган Санчо учун бу ўйин "асаларилар" сафида охиргиси бўлиши мумкин - унинг келажаги ноаниқлигича қолмоқда.
“Ҳамма болалигида бундай мусобақаларда қатнашишни орзу қилади. Мен учун бу орзум рўёбга чиқади ва бизнинг рақибимиз "Реал Мадрид" бўлиши ўйинни янада қизиқарли қилади. Булар менга энг ёқадиган ўйинлар.
"Реал Мадрид" тарихи ўзи учун гапиради. Менинг яхши дўстларим Жуд Беллингҳам ва Винисиус Жуниор бу жамоада. "Бавария" билан ўйиндан сўнг мен уларга "финалда кўришгунча" дедим", - деди Санчо TNT Sports телеканалига берган интервьюсида.