Fransiya terma jamoasi hujumchisi Antuan Grizmann hali xalqaro miqyosdagi faoliyatini yakunlash haqida o‘ylamayotganini aytdi.
«Hammasi mening maydondagi darajamga, jumladan, ruhiy holatimga va murabbiy meni jamoada ko‘rishni xohlaydimi-yo‘qligiga bog‘liq bo‘ladi. Lekin men doim «ko‘klar» safida o‘ynashni xohlayman, o‘z vatanim sharafini himoya qilish g‘ururdir. Farqi yo‘q, hatto zaxira o‘rindig‘ida bo‘lsam ham, baribir terma jamoaga kelaman», - deya Grizmanning so‘zlarini keltiradi "Footmercato".
Yevropa chempionati 14 iyundan 14 iyulga qadar Germaniyada bo‘lib o‘tadi. Fransiya terma jamoasi Avstriya, Niderlandiya va Polsha bilan bir guruhdan joy olgan.
