Франция терма жамоаси ҳужумчиси Антуан Гризманн ҳали халқаро миқёсдаги фаолиятини якунлаш ҳақида ўйламаётганини айтди.
«Ҳаммаси менинг майдондаги даражамга, жумладан, руҳий ҳолатимга ва мураббий мени жамоада кўришни хоҳлайдими-йўқлигига боғлиқ бўлади. Лекин мен доим «кўклар» сафида ўйнашни хоҳлайман, ўз ватаним шарафини ҳимоя қилиш ғурурдир. Фарқи йўқ, ҳатто захира ўриндиғида бўлсам ҳам, барибир терма жамоага келаман», - дея Гризманнинг сўзларини келтиради "Footmercato".
Европа чемпионати 14 июндан 14 июлга қадар Германияда бўлиб ўтади. Франция терма жамоаси Австрия, Нидерландия ва Польша билан бир гуруҳдан жой олган.
