Moskvaning SSKA klubi yarim himoyachisi Abbosbek Fayzullayev "armiyachilar" jamoasidagi o‘tgan mavsum yakunlarini sarhisob qildi.
"O‘zimiz xohlagan natijaga erisha olmadik, lekin shaxsan baho beradigan bo‘lsak, mavsum yaxshi bo‘ldi.
Jamoadoshlarim va murabbiylarimga rahmat. Ular meni imkon qadar tezroq jamoaga kirishib ketishimga yordam berishdi.
Yomon o‘ynadik deb o‘ylamayman. Statistikaga qarasangiz, mavsumning eng sermahsul jamoasiga aylandik.
Biz ko‘p gol urdik, ammo o‘yinlar yakunida ko‘p ochko yo‘qotdik va bu yakunda turnir jadvaliga ta’sir qildi", - deya Fayzullayevning so‘zlarini keltiradi Match TV.
