Москванинг ЦСКА клуби ярим ҳимоячиси Аббосбек Файзуллаев "армиячилар" жамоасидаги ўтган мавсум якунларини сарҳисоб қилди.
"Ўзимиз хоҳлаган натижага эриша олмадик, лекин шахсан баҳо берадиган бўлсак, мавсум яхши бўлди.
Жамоадошларим ва мураббийларимга раҳмат. Улар мени имкон қадар тезроқ жамоага киришиб кетишимга ёрдам беришди.
Ёмон ўйнадик деб ўйламайман. Статистикага қарасангиз, мавсумнинг энг сермаҳсул жамоасига айландик.
Биз кўп гол урдик, аммо ўйинлар якунида кўп очко йўқотдик ва бу якунда турнир жадвалига таъсир қилди", - дея Файзуллаевнинг сўзларини келтиради Матч ТВ.
