Moskvaning SSKA klubi yarim himoyachisi Viktor Davila keyingi mavsumda Rossiya klubida qoladi. Oldinroq matbuotda 26 yoshli chililik futbolchini Meksikaning "Amerika" klubi o‘z safiga qo‘shib olmoqchi ekanligi haqida ma’lumot paydo bo‘lgandi.
Bobsoccer jurnalistlarining fikricha, “armichilar” jamoasi rahbariyati yozgi transfer oynasida xorijlik futbolchi bilan xayrlashmoqchi emas. Davilaning o‘zi ham jamoani o‘zgartirishga intilmayapti.
Rossiya Premyer-ligasining so‘nggi mavsumida yarim himoyachi 23 ta o‘yin o‘tkazdi. Viktorning hisobida beshta gol va to‘rtta golli uzatma bor.
