Turkiyalik sport jurnalisti Mehmet O‘zjan "SE" nashriga bergan sharhida Rossiya terma jamoasi va “Rostov” klubi bosh murabbiyi Valeriy Karpinning “Beshiktosh”ga tayinlanishi mumkinligi haqidagi fikrlari bilan o‘rtoqlashdi. Avvalroq jurnalist Ivan Karpov "Beshiktosh" bosh murabbiyligiga nomzodlar orasida Valeriy Karpin ham borligi haqida xabar bergandi.
"Fenerbaxche" Mourinyoning tayinlanganini e’lon qiladi, "Galatarasay" so‘nggi ikki mavsumda jamoani chempionlikka olib chiqqan Okan Buruk bilan ishlashda davom etadi. Shunday ekan, Karpin “Beshiktosh” ustozidek yorqin figura bo‘lmaydi. Agar shunday bo‘ladigan bo‘lsa, muxlislar norozi bo‘lib, klubga bosim o‘tkazishadi", - dedi O‘zjan "SE" nashriga.
Karpinning turk jamoasidagi maoshi 3 million yevroni tashkil qilishi mumkin.
Rossiyalik mutaxassisning “Rostov” bilan shartnomasi 2026 yilning 31 mayiga qadar amal qiladi. RFI bilan shartnoma muddati iyul oyida tugaydi.
“Beshiktosh” aprel oyida Turkiya chempionatida “Samsunspor” bilan durangdan (1:1) so‘ng Fernando Santos bilan hamkorlikni to‘xtatgan edi. Serdar Topraktepe mavsum oxirigacha bosh murabbiy vazifasini bajaruvchi etib tayinlandi.
