"Liverpul" yozgi transfer oynasida tarkibini kuchaytirishni rejalashtirmoqda. GivemeSport nashrining xabar berishicha, mersisaydliklar hujumkor yarim himoyachi Federiko Kyeza bilan shartnoma imzolash uchun harakatni kuchaytirgan.
Qayd etilishicha, “Liverpul” skautlari yaqinda “Yuventus” “Atalanta”ni mag‘lub etgan Italiya kubogi finalini kuzatgan. Ingliz klubi vakillari Kyezaning o‘yinidan mamnun bo‘lishdi.
Transfermarkt portali mutaxassislari Federikoni 40 million yevroga baholamoqda. 2023/2024 yilgi mavsumda futbolchi 37 ta o‘yin o‘tkazib, o‘nta gol urdi va sheriklariga 3 ta golli uzatma berdi.
