Madridning “Real” klubi darvozaboni Tibo Kurtua 2023/24 yilgi mavsumni birorta ham gol o‘tkazmagan holda yakunladi.
Belgiyalik futbolchi jarohatlari tufayli mavsumdagi ilk o‘yinni faqat 4 may kuni o‘tkazdi.
Darvozabon 5 ta o‘yinda qatnasha oldi va ulardan birortasida ham gol o‘tkazib yubormadi: “Kadis” bilan 3:0, “Granada” bilan 4:0, “Alaves” bilan 5:0, “Betis” bilan 0:0 va Dortmund “Borussiya”si bilan 2:0.
Niklas Fyullkrug Chempionlar ligasi finalida Kurtua darvozasiga gol urdi, biroq o‘yindan tashqari holat tufayli gol inobatga olinmadi.
Shu tariqa, Tibo mavsumni birorta ham gol o‘tkazmasdan yakunladi – 5 ta o‘yindan 5 tasi "quruq" o‘yin va ularda 19 ta seyv.
