Мадриднинг “Реал” клуби дарвозабони Тибо Куртуа 2023/24 йилги мавсумни бирорта ҳам гол ўтказмаган ҳолда якунлади.

Бельгиялик футболчи жароҳатлари туфайли мавсумдаги илк ўйинни фақат 4 май куни ўтказди.

Дарвозабон 5 та ўйинда қатнаша олди ва улардан бирортасида ҳам гол ўтказиб юбормади: “Кадис” билан 3:0, “Гранада” билан 4:0, “Алавес” билан 5:0, “Бетис” билан 0:0 ва Дортмунд “Боруссия”си билан 2:0.

Никлас Фюллкруг Чемпионлар лигаси финалида Куртуа дарвозасига гол урди, бироқ ўйиндан ташқари ҳолат туфайли гол инобатга олинмади.

Шу тариқа, Тибо мавсумни бирорта ҳам гол ўтказмасдан якунлади – 5 та ўйиндан 5 таси "қуруқ" ўйин ва уларда 19 та сэйв.