"Napoli" Viktor Osimxenning transferi bo‘yicha aniq taklif olmagan.

Avval xabar qilinganidek, forvard faoliyatini boshqa klubda davom ettirish variantlarini qidirmoqda, xususan, Premer-ligani ham hisobga olgan holda.

Yangi kelishuvga ko‘ra, 25 yoshli futbolchining tovon puli taxminan 120-130 million yevroni tashkil etadi, bu esa potensial da’vogarlar bilan muzokaralarni qiyinlashtiradi. La Gazzetta dello Sport xabariga ko‘ra, hozircha hech bir klub futbolchini transfer qilish bo‘yicha rasmiy taklif bilan chiqmagan.

"PSJ" nigeriyalik futbolchiga qiziqish bildirmoqda, biroq ular Mbappe o‘rniga Xvicha Kvarasxeliyani afzal ko‘rishdi, uning transferi ham neapolliklarning haddan tashqari moliyaviy talablari tufayli hali kelishib olinmagan.