"Bavariya" himoyachi Yosip Stanishichning "Bayer"dagi o‘yinidan hayratda. 24 yoshli futbolchi "farmasevtlar" bilan Germaniya chempioni va mamlakat kubogi g‘olibiga aylangan bo‘lsa, Myunxen grandi mavsumni sovrinlarsiz o‘tkazdi.
Jurnalist Frank Linkesning fikricha, xorvatiyalik Alonso jamoasidagi muvaffaqiyatli mavsumdan so‘ng, albatta, "Bavariya"ga qaytadi. Myunxen sport rahbariyati ko‘p qirrali himoyachi Vensan Kompani jamoasida muhim rol o‘ynay oladi, deb hisoblamoqda.
Stanishich “Bayer” safida 38 ta o‘yinda maydonga tushib, 4 ta gol va 6 ta golli uzatmaga mualliflik qilgan. Futbolchining "Bavariya" bilan shartnomasi 2026 yilning o‘rtalariga qadar mo‘ljallangan.
