Janluiji Donnarumma Italiya terma jamoasining Yevro-2024'dagi o‘yinlari haqida gapirdi.
Italiya terma jamoasi Germaniyadagi Yevropa chempionatida Albaniya, Xorvatiya va Ispaniya bilan bir guruhdan joy oladi.
"Bu, albatta, katta mas’uliyat, men sardorlik bog‘ichini taqib, barchaga o‘rnak bo‘lishdan faxrlanaman.
Biz hammamiz Spaletti bilan juda yaxshi munosabatdamiz, u oldingi yillarda qanday natijalarga erishganini bilamiz, u bizga nima bera olishini bilamiz, u taktika ustida ko‘p ishlaydi.
Maydon tashqarisida esa yaxshi harakat qilyapmiz. Shuning uchun bu yondashuv bizga ajoyib natijalar berishiga ishonchim komil.
"Bu jamoada yetakchilar ko‘p. Har bir inson o‘zini sardor va yetakchi sifatida his qilishi, jamoaga o‘rnak bo‘lishi kerak", - dedi "PSJ" va Italiya terma jamoasi darvozaboni Donnarumma.
