Жанлуижи Доннарумма Италия терма жамоасининг Евро-2024'даги ўйинлари ҳақида гапирди.
Италия терма жамоаси Германиядаги Европа чемпионатида Альбания, Хорватия ва Испания билан бир гуруҳдан жой олади.
"Бу, албатта, катта масъулият, мен сардорлик боғичини тақиб, барчага ўрнак бўлишдан фахрланаман.
Биз ҳаммамиз Спалетти билан жуда яхши муносабатдамиз, у олдинги йилларда қандай натижаларга эришганини биламиз, у бизга нима бера олишини биламиз, у тактика устида кўп ишлайди.
Майдон ташқарисида эса яхши ҳаракат қиляпмиз. Шунинг учун бу ёндашув бизга ажойиб натижалар беришига ишончим комил.
"Бу жамоада етакчилар кўп. Ҳар бир инсон ўзини сардор ва етакчи сифатида ҳис қилиши, жамоага ўрнак бўлиши керак", - деди "ПСЖ" ва Италия терма жамоаси дарвозабони Доннарумма.
