Madridning «Real» klubi yarim himoyachisi Jud Bellingemning ukasi Job Bellingem tez orada faoliyatini Angliya Premyer-ligasining top-klublaridan birida davom ettirishi mumkin. Eslatib o‘tamiz, Job hozirda «Sanderlend» futbolchisi hisoblanadi.

18 yoshli Job Bellingem o‘tgan chempionatda 7 ta gol va bitta golli uzatmani amalga oshirishga muvaffaq bo‘ldi. Jurnalist Ed Aaronsning xabariga ko‘ra, yosh yarim himoyachiga Londonning «Tottenxem» klubi qiziqish bildirmoqda. Manbaning xabar berishicha, transfer 25 million yevro atrofida amalga oshirilishi mumkin.

Avvalroq Jobning transferiga Londonning boshqa bir klubi «Kristal Pelas» ham qiziqish bildirayotgani haqida xabar berilgandi.