UFC prezidenti Dana Uayt mashhur irlandiyalik MMA jangchisi Konor Makgregorning Maykl Chandler bilan jangidan bir necha hafta oldin klublarda ziyofat qilayotgani haqidagi xabariga izoh berdi.
"Jon Jons ham o‘z davrida boshqa ko‘plab jangchilar kabi shunga o‘xshash ishlarni qilgan. Men Internetda nima to‘g‘ri va nima noto‘g‘ri ekanligini bilmayman. O‘zingiz ko‘ring. Ba’zi videolarda uning soqoli bor, boshqalarda esa yo‘q. Bu haqiqatmi yoki yo‘qmi, bilmayman.
Lekin Konor ahmoq yigit emas va bu uning uchun muhim jang ekanligi aniq. U buni sport tarixidagi eng buyuk kambek deb ataydi", - deya Uaytning so‘zlarini keltirmoqda TalkSport.
