"Sporting"ning 25 yoshli hujumchisi Viktor Dëkeresh "Atletiko Madrid"ga o‘tishi mumkin, deb xabar bermoqda A BOLA internet nashri.
Manbaga ko‘ra, "matraschilar" shvesiyalik futbolchini ushbu transfer oynasida sotib olishlari mumkin. Taxminlarga ko‘ra, Dëkeresh uchun "Atletiko" bosh murabbiyi Diyego Simeonening shaxsan o‘zi futbolchining transferiga qiziqish bildirmoqda.
Joriy mavsumda Dëkeresh klub safida barcha turnirlarda 50 ta o‘yin o‘tkazib, 42 ta gol urdi, 15 ta golli uzatmani amalga oshirdi va Portugaliya chempionatining eng yaxshi to‘purariga aylandi. Uning "Sporting" bilan shartnomasi 2028 yilning yoziga qadar mo‘ljallangan. Transfermarkt portali ma’lumotlariga ko‘ra, futbolchining taxminiy narxi 55 million yevroni tashkil qiladi, 2023 yilning yozida Portugaliya klubi shvesiyalik futbolchini "Koventri"dan 21 million yevro evaziga sotib olgandi.
