"Bavariya" hujumchisi Xarri Keyn Angliya terma jamoasi safidagi navbatdagi golini nishonladi. 30 yoshli futbolchi bugun Bosniya va Gersegovina milliy terma jamoasiga qarshi kechgan o‘rtoqlik uchrashuvining 61-daqiqasida zaxiradan maydonga tushdi va 89-daqiqada yakuniy golni urdi – 3:0.
Jurnalist Uill Jans ta’kidlaganidek, Keyn terma jamoadagi gollari soni bo‘yicha ikkita ajoyib sobiq hujumchi Ronaldo va Zlatan Ibrahimovichdan o‘zib ketdi.
Ular Braziliya va Shvesiya terma jamoalari uchun 62 ta gol urgan bo‘lsa, ingliz futbolchisida endi 63 ta gol bor. Angliya terma jamoasi navbatdagi o‘rtoqlik uchrashuvini 7 iyun kuni Islandiyaga qarshi o‘tkazadi.
