"Manchester Yunayted" yozda kamida uchta pozisiyani mustahkamlash niyatida.
The Athletic xabariga ko‘ra, "MYU"ning ustuvor vazifasi himoya markazi, yarim himoya va hujumni kuchaytirish. Jamoaning hozirgi futbolchilari ketganidan keyin bu pozisiyalarga yangi futbolchilar kerak bo‘lishi kutilmoqda.
Himoyaning chap qanotini ham kuchaytirish mumkin, chunki Lyuk Shou va Tirell Malasiyaning jarohatlari tufayli "Manchester Yunayted" mavsumdagi 52 o‘yinning 32 tasida chap qanot himoyachisisiz o‘ynadi.
"Manchester Yunayted" Jerred Brentueyt bilan qiziqmoqda, ammo "Everton" u uchun 75 million funt sterlingdan ko‘proq to‘lov talab qilishi kutilmoqda. "Everton"ning talablari ko‘p jihatdan klub FFP qoidalariga rioya qilish uchun 30 iyungacha o‘yinchilarni sotishi kerakmi yoki yo‘qligiga bog‘liq bo‘ladi.
"Manchester Yunayted" yana "Nissa" himoyachisi Jan-Kler Todiboga ham qiziqish bildirmoqda. U diqqat bilan kuzatilmoqda va Maguayrning o‘rnini bosuvchi sifatida ko‘rilmoqda.
"Yunayted" shuningdek, "RB Leypsig" hujumchisi Benjamin Sheshkoni ham diqqat bilan kuzatib bormoqda.
