"Benfika" "Manchester Yunayted"ning Joau Nevesh borasidagi taklifini rad etdi.

Portugaliyaning Record nashri xabariga ko‘ra, "Manchester Yunayted" 19 yoshli yarim himoyachi uchun 60 million yevro taklif qilgan, biroq klub prezidenti Ruy Koshta mankunianliklarning taklifini "darhol rad etgan".

Ta’kidlanishicha, "Benfika" Nevesh uchun 100 million yevrodan kam bo‘lgan takliflarni ko‘rib chiqmaydi. Portugaliyalikning tovon puli 120 million yevroni tashkil qiladi. Neveshga "Chelsi", "Manchester Siti", "Liverpul", "PSJ" va "Bavariya" ham qiziqish bildirmoqda, ammo hozirda uni qo‘lga kiritish uchun faqat "Manchester Yunayted" faol qadamlar qo‘ygan.

O‘tgan mavsumda Joau Nevesh Portugaliya chempionatida "Benfika" safida 33 ta o‘yinda maydonga tushib, 3 ta gol va 1 golga assistentlik qilgan.