Avvalroq “Chelsi” yarim himoyachisi va sardori Konor Gallaxerga qiziqish bildirayotgan Birmingemning “Aston Villa” klubi “ko‘klar” bilan futbolchining transferi bo‘yicha dastlabki muzokaralarni o‘tkazdi. Bu haqda Devid Ornshteynga tayanib Sky Sports xabar bermoqda. "Villa" vakillari Gallaxer vakillari bilan ham bevosita bog‘lanishdi.
Eslatib o‘tamiz, Gallaxer o‘tgan mavsumda “Chelsi” safida 37 ta o‘yin o‘tkazib, 12 ta golda qatnashgan – 5 ta gol va 7 ta golli uzatma. Futbolchining amaldagi shartnomasi uni "Chelsi" bilan kelasi yozgacha bog‘lab turadi.
