Аввалроқ “Челси” ярим ҳимоячиси ва сардори Конор Галлахерга қизиқиш билдираётган Бирмингемнинг “Астон Вилла” клуби “кўклар” билан футболчининг трансфери бўйича дастлабки музокараларни ўтказди. Бу ҳақда Девид Орнштейнга таяниб Sky Sports хабар бермоқда. "Вилла" вакиллари Галлахер вакиллари билан ҳам бевосита боғланишди.
Эслатиб ўтамиз, Галлахер ўтган мавсумда “Челси” сафида 37 та ўйин ўтказиб, 12 та голда қатнашган – 5 та гол ва 7 та голли узатма. Футболчининг амалдаги шартномаси уни "Челси" билан келаси ёзгача боғлаб туради.
