6 iyun kuni Jahon chempionati saralash turniri doirasida O‘zbekiston va Turkmaniston terma jamoalari o‘zaro to‘qnash keladi.
Ushbu uchrashuvga chiptalar sotuvi "Bunyodkor" stadioni rasmiy kassalari hamda iTicket.uz saytida onlayn tarzda yo‘lga qo‘yilgan.
"Shu o‘rinda chiptalarni noqoqnuniy olib sotish hamda soxtalashtirish holatlari uchrayotgani haqida ogohlantiramiz! Bunday nopok ishga qo‘l urganlarga qat’iy chora ko‘rilishini ma’lum qilamiz.
Futbol muxlislarini faqatgina rasmiy kassalardan chipta olishlarini, qalbaki hamda chayqovchilar qo‘lidan olingan chiptalardan extiyot bo‘lishlarini so‘raymiz. Qalbaki chiptalar bilan stadionga kiritilmasligi haqida ogohlantiramiz! ", - deyiladi O‘zbekiston futbol assosiasiyasi telegram-kanalidagi xabarda.