"Bavariya" vingeri Leroy Sane Vensan Kompani jamoaga bosh murabbiy etib tayinlangani haqida fikr bildirdi.
"Manchester Siti"da birga o‘ynaganimizda, u bir kun kelib mening murabbiyim bo‘lishini aytdi. Men shunchaki javob berdim: "Bu sodir bo‘lmaydi!" Endi bu sodir bo‘ldi.
U bizning murabbiyimiz ekanidan va shunday top-klubga ishga kirganidan juda xursandman. O‘yinchi sifatida Vensan mutlaq yetakchi va yo‘nalishni belgilab beradigan odam edi.
U dominant, tezkor va dadil, shuningdek, futbolni yaxshi ko‘radi. Futbolchi sifatida hamisha buni sheriklaridan kutgan.
O‘ylaymanki, biz Vensan bilan juda yaxshi vaqt o‘tkazamiz", dedi Sane Sky Sports nashriga.
